Цаг уурын мэдээ > Хөдөө аж ахуйн цаг уурын тойм
2023 ОНЫ 11 ДҮГЭЭР САРЫН ДУНД АРАВ ХОНОГИЙН ЦАГ АГААРЫН НӨХЦЛИЙН ТОЙМ
/ 2023 оны 11-р сарын 11-нээс 2023 оны 11-р сарын 20-ны өдрийг хүртэл /
Температур: Агаарын дундаж температур нийт нутгаар 2.3-11.6 градус хүйтэн, олон жилийн дундажтай харьцуулбал Сайншанд, Эрдэнэ, Иххэт, Өргөн сумдын нутгаар дунджийн 0.2-0.9 градусын орчим, Дэлгэрэх, Айраг, Алтанширээ сумдын нутгаар дунджаас 1.4-2.6 градусаар хүйтэн, бусад нутгаар дунджаас 1.4-3.4 градус дулаан байлаа. Үнэмлэхүй их температур өдөртөө Замын-Үүд сумын нутгаар +11 градус дулаан, үнэмлэхүй бага температур шөнөдөө Эрдэнэ, Алтанширээ сумын нутгаар -22 градус хүйтэн байв. Хөрсний гадаргын дундаж температур нийт нутгаар 1-10 градус хүйтэн, үнэмлэхүй их температур өдөртөө Улаанбадрах сумын нутгаар 17 градус дулаан, үнэмлэхүй бага температур шөнөдөө Эрдэнэ сумын нутгаар -23 градус хүйтэн байлаа.
Хур тунадас: Энэ 10 хоногт Дэлгэрэх суманд 0.7 мм, Хатанбулаг суманд 0.4 мм, Сайншанд, Эрдэнэ, Иххэт сумдад 0.2 мм, бусад нутгаар 0.0 мм хур тунадас орлоо, Мандах сумын нутгаар хур тунадас ороогүй. Орсон хур тунадасны нийлбэрийг олон жилийн дундажтай (ОЖД) харьцуулахад: Дэлгэрэх сумын нутгаар дунджийн орчим, Хатанбулаг сумын нутгаар дунджаас ахиу, бусад нутгаар дунджаас бага хур тунадастай байлаа.
Салхи: 10 хоногийн салхины хамгийн их хурд Хөвсгөл суманд 17 м/с, Замын-Үүд, Улаанбадрах сумдын нутгаар 14 м/с, Мандах суманд 13 м/с, Дэлгэрэх, Эрдэнэ, Сайхандулаан, Хатанбулаг сумдад 12 м/с, Сайншанд суманд 11 м/с, Иххэт, Өргөн, Айраг сумдын нутгаар 10 м/с хүрч аюултай үзэгдлийн хэмжээнд ажиглагдаж цаг агаар тогтворгүй байлаа. Нийт нутгаар 10 м/с-ээс дээш салхитай өдрийн тоо 1-5 өдөр байсан байна.
Цасан бүрхүүлийн байдал: Энэ 10 хонгот хээрийн цасны хэмжилтээр, цасны дундаж зузаан Иххэт суманд 6 см, Дэлгэрэх суманд 5 см, Айраг, Алтанширээ сумдад 2 см, Сайншанд суманд цасны дудаж зузаан 1 см-аас бага байна. Цасны бүрхэц Иххэт, Айраг, Алтанширээ, Дэлгэрэх сумдад 5-9 балл цасан бүрхүүлтэй байна. Цасны нягт Дэлгэрэх суманд 0,31 г/см3, Иххэт суманд 0,34 г/см3 байна. Бусад сумдын нутгаар цасгүй.
МАА-н үйлдвэрлэлд: Нийт нутгаар малд нэмэгдэл тэжээл өгөх, мал хээлтүүлэх, оторлох, өвөлжөөндөө буух ажил явагдаж байна. Цаг агаарын нөхцлөөс болж малын бэлчээрлэлт саатсан тохиолдол гараагүй боловч мал бэлчээрт орой бэлчиж эрт хотолж байна. Зуншлага тааруу байснаас малын бэлчээр муутай, зарим газартаа цас зузаарч хунгарласан.